لندن (آن لائن) سابق وزیر اعظم نواز شریف نے کہا ہے کہ مچھ میں معصوم کان کنوں کا بہیمانہ قتل اس بات کا ثبوت ہے کہ دہشتگردی کے جس فتنے کومسلم لیگ ن نے کچل دیاتھا وہ پھرسر اٹھارہا ہے۔سماجی رابطوں کی ویب سائٹ ٹویٹر پر اپنے ایک ٹویٹ میں نوازشریف نے مچھ میں دہشت گردی کے واقعہ کی مذمت کی ۔انہوں نے کہا معیشت کی تباہی، مہنگائی، بیروزگاری، بدامنی، خارجہ امور پر مسلسل ناکامی اور اب آگ اورخون کا یہ کھیل۔ ووٹ چوری کرکے ایک نااہل کومسلط کرنے والوں کو جواب تو دینا ہوگا۔