پاکستان نے 70 لاکھ کورونا ویکسین کی خریداری کا آرڈر دے دیا۔
وزیراعظم کے معاون خصوصی برائے صحت ڈاکٹر فیصل سلطان نے کہا ہے کہ کورونا ویکسین کی خریداری کے لئے آرڈر دے دیا گیا ہے، 10 لاکھ ڈوز سائنو فام ویکسن کی خریدی گئی ہیں جب کہ کیسینو کی 60 لاکھ ڈوز خریدی گئی ہیں۔
انہوں نے کہا کہ آئندہ چند روز میں ڈوزز پاکستان پہنچنا متوقع ہے کئی لاکھ اضافی خوراکیں پائپ لائن میں ہیں،انشاء اللہ اپریل میں پہنچ جائیں گی۔
معاون خصوصی نے بتایا کہ گزشتہ شام سربراہ ڈبلیو ایچ او ڈاکٹرٹیڈروس سے ویکسین سپلائی چین پربات ہوئی، خاص کر گاوی کے ذریعے ویکسین کی دنیا میں فراہمی پربات چیت کی گئی سربراہ ڈبلیو ایچ او کا مدد اور یقین دہانی پر شکریہ ادا کرتا ہوں۔