مشیر خزانہ شوکت ترین کو خیبر پختون خواہ سے سینیٹر بنانے کا فیصلہ کیا گیا ہے۔
میڈیا رپورٹس کے مطابق خیبر پختونخوا سے پاکستان تحریک انصاف کے سینیٹر ایوب آفریدی نے اپنی نشست سے استعفیٰ بھی دے دیا ہے، ان کی نشست پر شوکت ترین کو سینیٹر بنوایا جائے گا۔
ذرائع کے مطابق سینیٹر شپ سے استعفیٰ دینے والے ایوب آفریدی کو وزیراعظم کا مشیر برائے سیفران بنایا جائے گا۔
یاد رہے کہ چند روز قبل ہی شوکت ترین کی بطور وزیر خزانہ مدت ختم ہوئی تھی جس کے بعد انہیں مشیر خزانہ بنا دیا گیا تھا۔