عالمی مارکیٹ میں خام تیل کی قیمتوں میں کمی کا رجحان

واشنگٹن (صباح نیوز) عالمی مارکیٹ میں خام تیل کی قیمتوں میں کمی کا رجحان دیکھنے میں آیا۔ میڈیا رپورٹ کے مطابق امریکی خام تیل کی قیمت 87 سینٹس کمی سے 82.55 ڈالر فی بیرل ہو گئی ہے۔ برطانوی خام تیل کی قیمت میں 1.10ڈالر فی بیرل کمی ہو گئی۔ برطانوی خام تیل کی قیمت کم ہو کر 84.69 ڈالر فی بیرل ہو گئی۔ اوپیک بلینڈ خام تیل کی قیمت میں 1.72 ڈالر فی بیرل کمی دیکھنے میں آئی۔ اوپیک بلینڈ خام تیل کی قیمت کم ہو کر 100.67 ڈالر فی بیرل ہو گئی۔ مٹی کے تیل کی قیمت 40 سینٹس کمی سے2.55 ڈالر فی گیلن ہو گئی۔ سعودی وزیر خزانہ محمد الجدان کا کہنا ہے سعودی عرب تیل کی قیمتوں میں کمی کے حق میں نہیں۔ تیل کی متوازن قیمتوں کے حق میں ہیں۔ دنیا بھر میں توانائی کے بڑے بحران کا خدشہ ہے۔