گلاسگو (انٹرنیشنل ڈیسک) لبنان کے وزیراعظم نجیب میقاتی نے گلاسگو میں اقوام متحدہ کے زیراہتمام منعقدہ سی او پی 26 موسمیاتی سربراہ کانفرنس کے موقع پرامیرقطر شیخ تمیم بن حمد الثانی اور کویت کے وزیراعظم شیخ صباح الخالد الصباح سے الگ الگ ملاقات کی ۔ اس دوران انہوں نے خلیجی ممالک کے ساتھ اپنے ملک کے نئے سفارتی بحران پرتبادلہ خیال کیا ۔ لبنانی وزیراعظم کے دفتر کے مطابق شیخ تمیم نے ان سے گفتگو کرتے ہوئے کہا کہ وہ جلد ہی قطری وزیرخارجہ کو بیروت بھیجیں گے۔
