رچمنڈ (انٹرنیشنل ڈیسک) امریکی ریاست ورجینیا میں گورنر کے لیے ہونے والے انتخابات میں حکمراں جماعت ڈیموکریٹس کے لیے مشکلات بڑھ گئیں۔ ذرائع ابلاغ کے مطابق ورجینیا میں ری پبلکن امیدوار گلین ینگ کن کو ڈیمو کریٹک حریف ٹیری مک آلیف پر برتری حاصل ہے۔ ورجینیا کے نتائج کے اثرات امریکا میں آیندہ برس ہونے والے مڈٹرم الیکشن پر پڑنے کا امکان ہے۔ ادھر نیوجرسی میں ڈیموکریٹ گورنر فل مرفی کی پوزیشن مضبوط ہے۔ نیویارک میں بھی حکمراں جماعت کو میئر کے انتخاب میں بڑی کامیابی مل گئی اور ڈیموکریٹک امیدوار ایرک ایڈمز نیویارک میئر کا انتخاب جیت گئے۔ انہوں نے ری پبلکن امیدوار کرٹس سلیوا کو شکست دی۔ ایگزٹ پول کے مطابق ڈیموکریٹک امیدوار ایرک ایڈمز کو 72 فیصد ووٹ حاصل ہوئے۔