سندھ میں اشیائے خوروش سب سے مہنگی ہیں ،راشد محمود سومرو

سکھر( نمائندہ جسارت)جمعیت علمائے اسلام صوبہ سندھ کے سیکرٹری جنرل علامہ راشد خالد محمود سومرو نے کہا ہے کہ سندھ کے حکمران کس منہ سے مہنگائی کے خلاف مظاہرے کررہے ہیں جبکہ سندھ میں آج بھی اشیائے خورونوش باقی صوبوں سے بھی مہنگی فروخت ہو رہی ہیں، آٹا 3صوبوں سے بھی زیادہ مہنگا فروخت ہورہا ہے۔ ان خیالات کا اظہار انہوں نے جمعیت علمائے اسلام تیر چوک یونٹ بیراج کالونی سکھر کے زیراہتمام منعقدہ سیرت امام الانبیاء کانفرنس سے خطاب کرتے ہوئے کیا۔ کانفرنس سے دیگر علما نے خطاب کرتے ہوئے کہا کہ ہم پر تنقید کرنے والے سمجھ رہے ہیں کہ ہم خاموش ہوجائینگے اور انکی نااہلی کے خلاف آواز بلند نہیں کریںگے تو وہ احمقوں کی جنت میں رہتے ہیں۔