اسلام آباد: عالمی مالیاتی ادارے (آئی ایم ایف) کی شرائط کو پورا کرنے کے لیے حکومت نے مہنگائی کا نیا پلان تیار کرنے پر غور شروع کر دیا ہے۔
ذرائع ابلاغ کے مطابق آئی ایم ایف کی جانب سے مطالبہ کیا گیا ہے کہ فیول پرائس ایڈجسٹمنٹ اور تمام ٹیکسز من و عن وصول کیے جائیں، بجلی کی قیمتوں میں اضافہ بنیادی ٹیرف پر کیا جائے، بجلی صارفین کے لیے سبسڈی کو بھی بتدریج کم کیا جائے۔
آئی ایم ایف نے یہ بھی مطالبہ کیا ہے کہ پیٹرولیم مصنوعات پر لیوی گزشتہ 2 سال کی سطح پر لائی جائے۔
حکومت نے آئی ایم ایف کی ان شرائط کو پورا کرنے کے لیے 2 سال کی حکمت عملی بنالی ہے، ڈیڑھ سال کے دوران 3 مراحل میں بجلی کی قیمتیں بڑھائی جائیں گی۔
