کراچی کے علاقے شاہ لطیف ٹاؤن میں ڈکیتی کے دوران ڈاکوؤں کی فائرنگ سے کمسن بچی جاں بحق ہوگئی۔
مارٹ پر ڈکیتی کے دوران بچی کی ہلاکت کے معاملے پر مارٹ انتظامیہ کی مدعیت میں درج کرلیا گیا ہے، مقدمہ ڈکیتی کے دوران قتل کی دفعات کے تحت درج کیا گیا۔
ایف آئی آر متن کے مطابق مارٹ پر ڈکیتی کے لیے 6 ملزمان آئے، ملزمان نے مارٹ سے رقم لوٹنے کے بعد جاتے وقت فائرنگ کی، سکیورٹی گارڈ کی فائرنگ سے ایک ڈاکو زخمی ہوگیا۔
متن کے مطابق زخمی ملزم کو شہریوں نے پکڑ کر پولیس کے حوالے کر دیا، ڈاکوؤں کی فائرنگ سے بچی جاں بحق ہوگئی۔