واشنگٹن: امریکا نے بھارت میں حجاب پر مودی سرکار کی جانب سے عائد کی گئی پابندی کی شدید الفاظ میں مذمت کی ہے۔
امریکی سفیر برائے مذہبی آزادی راشد حسین نے سماجی رابطے کی ویب سائٹ ٹوئٹر پر اپنے بیان میں کہا ہے کہ بھارتی ریاست کرناٹک کو مذہبی لباس کی اجازت کا تعین نہیں کرنا چاہیے۔
راشد حسین نے کہا کہ اسکولوں میں حجاب پر پابندی مذہبی آزادی کی خلاف ورزی ہے، خواتین اور لڑکیوں پر ایسی پابندیاں لگانا رسوائی اور پسماندگی کی علامت ہے۔
امریکی سفیر نے کہا کہ مذہبی آزادی میں مرضی کا لباس پہننے کی بھی آزادی ہے، حجاب پر پابندی مذہبی آزادی پر کلنگ اور خواتین اور لڑکیوں کو زبردستی لباس کے انتخاب پر مجبور کرنے اور انہیں پیچھے دھکیلنے کے مترادف ہے۔
Religious freedom includes the ability to choose one’s religious attire. The Indian state of Karnataka should not determine permissibility of religious clothing. Hijab bans in schools violate religious freedom and stigmatize and marginalize women and girls.
— Amb. at Large for International Religious Freedom (@IRF_Ambassador) February 11, 2022
