لکھنؤ (انٹرنیشنل ڈیسک) بھارتی ریاست اتر پردیش کے علاقے بارہ بنکی میں دردناک سڑک حادثے میں ایک ہی خاندان کے 4افراد سمیت 6افراد ہلاک ہوگئے۔ مرنے والوں میں 2بچے بھی شامل ہیں۔ مقامی پولیس کے مطابق لکھنؤ سے ایودھیا جانے والی کار ہائی وے پر کھڑے کنٹینر سے ٹکرا گئی۔ پولیس نے موقع پر پہنچ کر لاشوں کو قبضے میں لے کر پوسٹ مارٹم کے لیے بھیج دیا ہے۔ پولیس کے مطابق ایودھیا کے علاقہ شجاع گنج حیات نگر کا رہنے والا اجے کمار اپنی بیوی اور 2بچوں کے ساتھ لکھنؤ سے گھر واپس لوٹ رہا تھا۔تصادم اتنا شدید تھا کہ کار بری طرح تباہ ہوگئی۔