کراچی (اسٹاف رپورٹر)طلحہ علی میموریل کرکٹ کلب کی جانب سے مرحوم طلحہ علی کی یاد میں منعقد کیے گئے کرکٹ ٹورنامنٹ کا آغاز ہوگیا، جس میں کراچی کے چاروں زون کی 20سے زائد ٹیمیں شرکت کر رہی ہیں۔ افتتاحی میچ فیصل جم خانہ اور سعود آباد جم خانہ کے مابین پاک اسٹار گراؤنڈ میں کھیلا گیا۔ جس میں فیصل جم خانہ کو فتح حاصل ہوئی۔ دوسرا میچ ملیر کمپینئن اور طلحہ علی میموریل کے درمیان کھیلا گیا جس میں طلحہ علی میموریل نے شاندار کار کردگی کا مظاہرہ کرتے ہوئے میچ جیت لیا ۔تیسرا میچ پاک اسٹار کرکٹ کلب اور الفلاح کرکٹ کلب کے درمیان کھیلاگیا جس میں الفلاح کرکٹ کلب کو کامیابی حاصل ہوئی۔