اسلام آباد: وزیر داخلہ شیخ رشید کا کہنا ہے کہ میرا وزیراعظم عمران خان کو مشورہ ہے کہ سندھ میں گورنر راج نافذ کر دیں۔
میڈیا سے گفتگو کرتے ہوئے وزیر داخلہ نے کہا کہ بہت اچھا ہواسندھ ہاؤس بےنقاب ہو گیا، سندھ کا پیسہ خریدوفروخت کے لیے استعمال کیا جا رہا ہے، منحرف ارکان پیسوں کےلالچ میں گئے ہیں۔
شیخ رشید کا کہنا تھا کہ لوگوں کو 20، 20 کروڑ روپے میں خریدا جا رہا ہے آج پوری قوم دیکھ رہی ہےایک طرف چور اچکے ہیں جو لوٹی ہوئی دولت بچانے کیلئے خریدوفروخت کر رہے ہیں۔
