مالے (انٹرنیشنل ڈیسک) مالدیپ میں بدعنوانی کے الزام میں سزا کاٹ کر رہا ہونے والے سابق صدر ’انڈیاآؤٹ‘ کے ساتھ سیاست میں واپس آگئے۔ خبررساں اداروں کے مطابق عبداللہ یامین بھارت کے ساتھ طے پانے والے دفاعی معاہدوں کو منسوخ کرنا چاہتے ہیں، جن کے باعث مالدیپ کے کئی دہائیوں سے بھارت کے ساتھ قریبی اور دوستانہ تعلقات ہیں۔ بھارت مخالف مہم میں انہوں نے انکشاف کیا کہ بھارتی حکومت سری لنکا کے ساحل سے دور جزیرہ نما میں ایک بڑی فوج تیار کررہی ہے۔ ادھر حکمراں جماعت نے اس دعوے کو مسترد کردیا ہے۔
