کراچی(اسٹاف رپورٹر)ایڈمنسٹریٹربلدیہ شرقی رحمت اللہ شیخ نے کہا ہے کہ کھیلوں کا فروغ منفی سرگرمیوں کا توڑ ہے، بچوں اور نوجوانوں کو کھیلوں کی سرگرمیوں کی جانب راغب کرنے کیلیے اپنا اپنا کردار ادا کرنے کی ضرورت ہے،ڈی ایم سی ایسٹ کوکن گراؤنڈ بہادرآباد میں 7 روزہ کراچی پیس ٹیب بال کرکٹ ٹورنامنٹ کا انعقاد کر رہا ہے جس میں پولیس، رینجرز سمیت دیگر 10 ٹیمیں ٹورنامنٹ کو یادگار بنائیں گی ان خیالات کا اظہار انہوں نے ایس ایس پی ملیر عرفان بہادر، سندھ رینجرز کے افسران، ایگزیکٹیو انجنئیر ایم اینڈای امتیاز بھٹو ودیگر کے ہمراہ کوکن گراؤنڈ میں ٹورنامنٹ کے حوالے سے انتظامات کو حتمی شکل دینے کے دوران کیا۔
