لاہور:سینئر وائس چیئرمین پاکستان انڈسٹریل اینڈ ٹریڈرز ایسوسی ایشنز فرنٹ (پیاف) ناصر حمید خان نے وائس چیئرمین پیاف جاوید اقبال صدیقی کے ہمراہ ملک میں آئینی و جمہوری طریقے سے نئی حکومت کے قیام اور شہباز شریف کے وزیر اعظم بننے پرملکی معیشت کے لئے خوش آئند قرار دیا ہے ۔
ناصر حمید نے تاجروں کے ایک وفد سے گفتگو میں کہا کہ نو منتخب وزیراعظم ایک تجربہ کار شخص ہیں اور مسائل کا ادراک رکھتے ہیں اور امید ہے کہ معاشی مسائل کے حل کے لئے بزنس کمیونٹی کی توقعات پر پورا اتریں گے ،
بزنس کمیونٹی کی مشاورت سے پالیسیز کو ازسر نو مرتب کرنا ہو گا۔ ایسے وقت جب عید الفطر قریب ہے کاروباری سرگرمیوں کو بڑھانے کی اشد ضرورت ہے چونکہ پچھلے دو سالوں میں کوویڈ وبا کی وجہ سے ملکی معیشت بہت زیادہ نقصان اٹھا چکی ہے
اور اب مزید نقصان کی متحمل نہیں ہو سکتی ۔کاروباری طبقہ امید کرتا ہے کہ سٹیک ہولڈرز کی مشاورت سے نو منتخب حکومت تجارتی خسارے کو کم کرے گی اور معیشت میں بہتری لانے کے لئے جلد ے جلد مشاورت کے عمل کو تیز کریگی گا اور بزنس کمیونٹی کی بجٹ تجاویز پر بھی عمل کیا جائے گا ۔