برسلز (صباح نیوز) پاکستان میںتحریک انصاف کی حکومت کے خاتمے کے خلاف یورپین دارالحکومت برسلز میں اوورسیز پاکستانیوں کا مظاہرہ۔ مظاہرے میں بیلجیئم کے مختلف شہروں سے آئے ہوئے پاکستانیوں نے سیکڑوں کی تعداد میں شرکت کی جس میں خواتین کی ایک بڑی تعداد بھی شامل تھی۔ اس موقع پر پی ٹی آئی کی مقامی قیادت نے خطاب کرتے ہوئے کہا کہ قوم میں شعور بیدار ہو چکا ہے، پاکستان میں حکومت کی تبدیلی کاطریقہ درست نہیں۔ مظاہرے میں شرکا نے شہباز شریف حکومت کے خلاف اپنے جذبات کے اظہار کے لیے انہی نعروں، فقرات اور سلوگنز کو اپنایا جو تحریک انصاف کے جلسوں میں اختیار کیے جاتے ہیں۔
