پشاور (جسارت نیوز) خیبرپختونخوا اسکواش ایسوسی ایشن کے زیر اہتمام رمضان ٹریننگ کیمپ پشاور کے پی اے ایف ہاشم خان اسکواش کمپلیکس میں جاری ہے ‘پاکستان اسکواش فیڈریشن کے نائب صدر اور کے پی سکواش ایسوسی ایشن کے چیئرمین اسکواش لیجنڈ قمرزمان نے گزشتہ روز خصوصی طور پر سیشن میں حصہ لیا اور کھلاڑیوں کو ٹپس دیں وہ کورٹ میں ایج گروپ کھلاڑیوں کیساتھ کھیلتے بھی رہے اور انہیں جدیدا سکواش کے بارے میں لیکچر بھی دیا ‘ صوبائی اسکواش ایسوسی ایشن کے چیئرمین قمرزمان نے میڈیا سے بات چیت کرتے ہوئے کہا کہ ہر سال کی طرح امسال بھی رمضان کے مہینے میں ایج گروپ کھلاڑیوں کو ٹریننگ فراہم کی جارہی ہے اور اس کیساتھ ساتھ ان کے درمیان لیگ میچ بھی کرائے جارہے ہیں۔