لاہور:اوگرا کی ذخیرہ اندوزوں کیخلاف کارروائی کی دھمکی بھی کام نہ آئی، بہاولنگر اور بہاولپور،رحیم یار خان،فیصل آباد،ملتان،لودھراں،پاکپتن سمیت پنجاب کے مختلف شہروں میں ڈیزل کا بحران کم نہ ہوسکا۔
مختلف علاقوں میں زرعی مشینیں بند ہونے سے کسان پریشان جبکہ فصلیں متاثر ہونے کا بھی خدشہ ہے۔لودھراں میں کسانوں نے سڑک بند کرکے احتجاج کیا، کسانوں نے کہا کہ پانی اورڈیزل نہ ہونے سے کپاس کی بوائی متاثر ہورہی ہے ۔
واضح رہے کہ اوگرا نے آئل مارکیٹنگ کمپنیوں کو پیٹرولیم مصنوعات کی دستیابی یقینی بنانے اور ذخیرہ اندوزوں کے خلاف کارروائی کی ہدایت کر رکھی ہے۔
