کراچی: پاکستان کرکٹ بورڈ کے چیئرمین رمیز راجا نے احمد شہزاد کو کھیل پر توجہ دینے کا مشورہ دے دیا۔
کراچی کے نیشنل اسٹیڈیم میں میڈیا سے گفتگو کرتے ہوئے رمیز راجا نے کہا کہ احمد شہزاد کو میرا مشورہ ہے کہ وہ اپنے کھیل پر توجہ دیں اور رنز اسکور کرکے ٹیم میں واپسی کو ممکن بنائیں۔ احمد کو اوپنر شان مسعود سے سبق سیکھنا چاہیے۔
انہوں نے ڈومیسٹک اور انگلش کانٹی پر رنز کے انبار لگاکر اسکواڈ میں کم بیک کیا اور اپنی کارکردگی سے ناقدین کو جواب دیا۔
