کراچی: سندھ حکومت نے کراچی کیلئے 300الیکٹرک بس درآمد کرنے کیلئے عالمی بینک سے فنڈز فراہم کرنے کی درخواست کی ہے۔
تفصیلات کے مطابق یہ تجویز کراچی میں سندھ کے اطلاعات، ٹرانسپورٹ اور ماس ٹرانزٹ کے وزیر شرجیل میمن اور عالمی بینک کے منیجر ٹرانسپورٹ کی قیادت میں وفد کے ملاقات میں سامنے آئی۔
سندھ حکومت اور عالمی بینک کے نمائندوں نے کراچی میں بس ریپڈ ٹرانزٹ یلو لائن کا مشترکہ سروے کرنے پر بھی اتفاق کیا۔
صوبائی وزیر نے کہا کہ حکومت پہلے مرحلے میں کراچی سے حیدر آباد تک بلٹ ٹرین چلانے کا منصوبہ بنا رہی ہے اور دوسرے مرحلے میں اسے حیدر آباد سے سکھر تک چلایا جائے گا۔