اسلام آباد،بیجنگ: چینی وزیر خارجہ چھن گانگ نے پاکستان کے شہر پشاور میں دہشت گردی کے سنگین حملے پر پاکستانی وزیر خارجہ بلاول بھٹو زرداری کو تعزیتی پیغام بھجوایا ہے۔
جمعرات کے روز چینی وزیر خارجہ نے چھن گانگ نے پشاور میں ہونے والے دہشت گردی کے حملے میں بھاری جانی نقصان کی شدید مذمت کرتے ہوئے جاں بحق ہونے والوں کے ورثا سے تعزیت اور زخمیوں اور متاثرین کے اہل خانہ سے دلی ہمدردی کا اظہار کیا ہے۔
چینی وزیر خارجہ کا کہنا تھا کہ انہیں حملے کا سن کر انہتائی دکھ ہوا ہے ، جس میں بھاری جانی نقصان ہوا ہے۔
چینی وزیر خارجہ کا کہنا تھا کہ وہ دہشت گردی کے اس حملے کی شدید الفاظ میں مذمت کرتے ہیں اور جانوں کے ضیاع پر اظہار افسوس کرتے ہیں۔
