اسلام آباد: پی ٹی آئی اور حکومت کے درمیان ہونے والے مذاکرات کے تیسرے دور سے متعلق وقت بدل دیا گیا۔
نجی ٹی وی کی رپورٹ کے مطابق چیئرمین سینیٹ صادق سنجرانی کا اہم بیان سامنے آیا ہے، جس میں انہوں نے کہا ہے کہ فریقین نے باہمی رضامندی کے بعد ذاکرات کا وقت تبدیل کیا ہے۔
چیئرمین سینیٹ نے بتایا کہ منگل کے روز ہونے والے مذاکرات وقت کی تبدیلی کے بعد صبح 11 بجے کے بجائے رات 9 بجے ہوں گے۔
انہوں نے کہا ہے کہ حکومت اور تحریک انصاف کے درمیان مذاکرات سینیٹ سیکرٹریٹ میں ہوں گے۔مذاکراتی کمیٹیوں کے اراکین کے مصروفیات کے باعث مذاکرات کا وقت تبدیل کیا گیا ہے۔
