منامہ:قرآن پاک کی بے حرمتی کرنے پربحرین میں سویڈش ناظم الامور کو طلب کرلیا گیا۔
بحرین نے منامہ میں سویڈن کی ناظم الامورکو طلب کیا ہے اورایک باضابطہ احتجاجی مراسلہ ان کے حوالے کیا جس میں پولیس کی حفاظت میں سٹاک ہوم میں انتہاپسندوں کو قرآن کے نسخے جلانے کی اجازت دینے پراحتجاج کیا گیا اوران واقعات کی شدید الفاظ میں مذمت کی گئی۔
بحرین کی وزارت خارجہ نے ان شرمناک واقعات کی شدید مذمت کرتے ہوئے انہیں مسلمانوں کے جذبات کوٹھیس پہنچانے اوربین الاقوامی اصولوں اورقراردادوں کی خلاف ورزی قراردیا ہے۔