سعودی عرب کے بعض علاقوں میں اتوار سے بدھ کے دوران موسلادھار بارشوں کی پیشگوئی کی گئی ہے۔
قومی مرکز موسمیات کے مطابق اتوارتا بدھ ملک کے چار ریجن بارش اور بدلتے موسم سے متاثر رہیں گے۔
قومی مرکز موسمیات کے مطابق بارش سے متاثر ہونے والے ریجنز میں ریاض، حائل، القصیم اور الشرقیہ شامل ہیں، سب سے زیادہ بارش کا سلسلہ مشرقی ریجن میں رہنے کی توقعات ہیں۔
مرکز موسمیات نے شہریوں کو وادیوں اور نشیبی علاقوں میں جانے سے گریز کرنے کی ہدایت کی ہے۔
