لاہور: محکمہ موسمیات نے آج سے 7 جون تک ملک کے مختلف علاقوں میں بارش اور طوفان کی پیش گوئی کی ہے۔
تفصیلات کے مطابق محکمہ موسمیات کا کہنا ہے کہ گلگت بلتستان، کشمیر، اسلام آباد، گوجرانوالہ، اوکاڑہ، فیصل آباد اور خوشاب میں بارش ہوگی۔ جبکہ بہاولپور، ڈیرہ غازی خان، ملتان اور لیہہ میں بھی آندھی اور بارش کا امکان ہے۔
محکمہ موسمیات نے کہا ہے کہ تیز رفتار بارش کا الرٹ جاری کر دیا ہے جس کے مطابق کمزور مغربی ہوائیں 4 جون سے 7 جون تک بالائی اور وسطی علاقوں میں داخل ہوں گی۔
محکمہ موسمیات کا مزید کہنا ہے کہ آندھی کے باعث کھڑی فصلوں اور کمزور انفراسٹرکچر کو نقصان پہنچنے کا خدشہ ہے۔
