میڈریڈ:اسپین نے عالمی عدالت انصاف میں غزہ میں اسرائیلی کارروائیوں کے خلاف جنوبی افریقا کے نسل کشی کے مقدمے میں فریق بننے کا اعلان کر دیا۔
ہسپانوی وزیر خارجہ جوز مینوئل الباریس کا کہنا ہے کہ اسپین جنوبی افریقا کے ساتھ غزہ میں اسرائیل کی جاری سفاکیت اورکارروائیوں کے خلاف نسل کشی کے کیس میں بین الاقوامی عدالت انصاف میں شامل ہو جائے گا۔
اسپین اس کیس میں شامل ہونے والا پہلا یورپی ملک ہے، اس مقدمے میں چلی اور میکسیکو بھی شامل ہوچکے ہیں۔
واضح رہے کہ اسپین 28 مئی کو فلسطین کو آزاد ریاست تسلیم کرنے کا باضابطہ اعلان بھی کرچکا ہے۔