نئی دہلی (انٹرنیشنل ڈیسک) بھارت میں زہریلی شراب پینے سے 34 افراد ہلاک ہوگئے۔ شراب پی کر مرنے کے واقعات بھارت میں عام طور پر پیش آتے رہتے ہیں اور مختلف شہروں ، قصبوں اور دیہات سے اس نوعیت کی خبریں سامنے آتی رہتی ہیں۔ حالیہ واقعہ بھارت کی جنوبی ریاست تمل ناڈو میں پیش آیا ،جس میں 60 سے زائد افراد کو تشویش ناک حالت میں اسپتال منتقل کیا گیا۔ حکومتی ترجمان نے بتایا کہ واقعے کے بعد 10متعلقہ اہلکاروں کو معطل کر دیا گیا ہے،جن میں ضلع کا کلیلکٹر اور پولیس سربراہ بھی شامل ہے۔ پولیس کے مطابق اب تک 49 افراد کو حراست میں لیاگیا ہے۔