صیہونی فورسز نے غزہ میں حملہ کرکے ایک ہی خاندان کے 9 افراد سمیت 12 فلسطینیوں کو شہید کردیا۔
صیہونی فورسز نے نور شمس پناہ گزین کیمپ پر حملے کیے جس کے نتیجے میں 6 فلسطینی شہید ہوگئے۔
عالمی ادارہ صحت (ڈبلیو ایچ او) کے مطابق غزہ میں اسرائیلی بمباری کے باعث پیدا ہونے والے خراب حالات کے سبب ڈیڑھ لاکھ سے زائد فلسطینی جِلد کی بیماریوں میں مبتلا ہیں۔
اقوام متحدہ کے مطابق غزہ کے علاقے شجاعیہ میں صیہونی فورسز کے حملے سے کم ازکم 60 ہزار فلسطینی بے گھر ہوگئے ہیں۔
7 اکتوبر 2023 کے بعد سے اسرائیلی حملوں میں اب تک شہید فلسطینیوں کی مجموعی تعداد 37 ہزار 925 تک پہنچ گئی ہے۔
غزہ وزارت صحت کے مطابق غزہ میں اسرائیلی حملوں کے باعث زخمیوں کی تعداد 87 ہزار سے تجاوز کر گئی ہے۔
