اوسلو (انٹرنیشنل ڈیسک) ناروے میں پہلی بار مکمل طور پر برقی گاڑیوں کی تعداد پٹرول کی گاڑیوں سے زیادہ ہوگئی۔ نارویجن روڈ فیڈریشن کی جانب سے دیے گئے بیان میں کہا گیا ہے کہ ملک میں 16 ستمبر تک رجسٹر ہونے والی 28 لاکھ گاڑیوں میں سے 7 لاکھ 54 ہزار 303 مکمل طور پر الیکٹرک اور 7 لاکھ 53 ہزار 905 پٹرول کی تھیں۔ ملک میں ڈیزل گاڑیوں کی تعداد میں کمی کا سلسلہ جاری ہے،جس کے بعد اب ناروے کی سڑکوں پر پٹرول سے چلنے والی گاڑیوں سے زیادہ الیکٹرک گاڑیاں ہیں۔ حکام نے اس پیش رفت کو تاریخی قرار دیا ہے۔