اسلام آباد(آن لائن )سپریم کورٹ بار ایسوسی ایشن کے نومنتخب صدرمیاںرئوف عطا ء نے گوجرانولہ میں وکلا کی گرفتاریوں کی مذمت کرتے ہوئے انھیں فوری رہاکرنے کامطالبہ کیاہے ،سپریم کورٹ بار کی جانب سے جاری کردہ اعلامیے میں کہاگیاہے کہ صدربار نے کہاکہ گوجرانولہ میں فائرنگ کے بعد وکلا کی گرفتاریوں کی مذمت کرتے ہیں ،وکلا کے خلاف ایف آئی آر کا اندراج افسوس ناک ہے۔ بے گناہ وکلا کو پولیس نے حراست میں لے لیا۔ ایف آئی آر میں لگائے گئے الزامات کی کوئی حقیقت نہیں۔سی پی او گوجرانولہ، آئی جی پنجاب اور وزیر اعلیٰ پنجاب بلاجواز حراست میں لیے گیے وکلا کو فوری رہا کریں۔