کوئٹہ(مانیٹرنگ ڈیسک)بلوچستان کے صوبائی دارالحکومت میں نامعلوم افراد نے کوئٹہ پریس کلب کے قریب وائس فار بلوچ مسنگ پرسنز (وی بی ایم پی) کے مرکزی کیمپ کو آگ لگا دی۔ میڈیا رپورٹ کے مطابق عدالت روڈ پر کئی برسوں سے قائم کیمپ بلوچستان میں جبری گمشدگیوں کے خلاف طویل عرصے سے احتجاج کی علامت بنا رہا ہے۔وی بی ایم پی کے وائس چیئرمین ماما قدیر بلوچ نے بتایا کہ نامعلوم افراد نے رات گئے کیمپ کو آگ لگائی جس سے کیمپ کے تین اطراف کو نقصان پہنچا، تاہم اس وقت کیمپ کے اندر کوئی نہیں تھا۔انہوں نے کہا کہ یہ تیسرا موقع ہے جب کیمپ کو آگ لگائی گئی۔