بھارت کی ریاست چھتیس گڑھ میں ایک نوجوان صحافی کو ایک بڑے سرکاری منصوبے میں غیر معمولی کرپشن بے نقاب کرنے کی پاداش میں قتل کردیا گیا۔ 28 سالہ مکیش چندریکر نے کچھ دن قبل ہی کرپشن بے نقاب کی تھی۔
مکیش چندریکر کی لاش 3 جنوری کو ایک بلڈنگ کنٹریکٹر کی سائٹ پر واٹر ٹینک میں پائی گئی۔ مکیش ایک مقامی ٹی وی چینل کے لیے کام کرتا تھا اور اُس نے چند روز قبل ہی بڑے سرکاری منصوبے میں کی جانے والی کرپشن کا پردہ چاک کیا تھا۔
مکیش چندریکر نے جس منصوبے میں کنٹریکٹر سریش چندریکر کی کرپشن بے نقاب کی تھی اُس کی مجموعی مالیت ایک ارب 20 کروڑ روپے (پاکستانی 4 ارب روپے) ہے۔