امریکی ایوانِ نمائندگان نے ٹرانس جینڈرز ایتھلیٹس کو خواتین کھیلوں میں شرکت سے روکنے کا بل منظور کرلیا
امریکی ایوانِ نمائندگان نے خواتین اسپورٹس میں ٹرانس جینڈر ایتھلیٹس کی شرکت پر پابندی کے بل کو اتفاقِ رائے سے منظور کر لیا ہے۔
بین الاقوامی میڈیا کے مطابق بل کے حق میں 218 ووٹ ڈالے گئے، جن میں دو ڈیموکریٹس کے ووٹ بھی شامل تھے۔ تاہم، یہ بل سینیٹ میں پیش کیا جانا باقی ہے، جہاں اس کے قانون بننے کے امکانات کم ہیں۔
بل کی منظوری کے بعد، ٹرانس جینڈر ایتھلیٹس کو ان اسکولوں یا یونیورسٹیوں کی خواتین ٹیموں میں حصہ لینے سے روک دیا جائے گا، جو فیڈرل فنڈنگ حاصل کرتی ہیں۔
ادھر رپورٹ میں بتایا گیا ہے کہ نو منتخب صدر ڈونلڈ ٹرمپ اپنی صدارت کے دوران فوج سے ٹرانس جینڈر ملازمین کو نکالنے کے لیے ایگزیکٹو آرڈر پر دستخط کر سکتے ہیں، جس سے ہزاروں حاضر سروس اہلکار برطرف ہو سکتے ہیں۔
یہ بل اور ممکنہ اقدامات امریکہ میں ٹرانس جینڈر کمیونٹی کے حقوق اور مساوات کے حوالے سے گرما گرم بحث کا سبب بن رہے ہیں۔