موسمیاتی تجزیہ کار جواد میمن نے پیشگوئی کی ہے کہ آج شہر کا موسم شدید گرم اور مرطوب رہے گا۔
ان کے مطابق زیادہ نمی کے باعث درجہ حرارت 38 سے 40 ڈگری سینٹی گریڈ تک رہنے کا امکان ہے جبکہ محسوس ہونے والی شدت 43 ڈگری سینٹی گریڈ سے بھی زائد ہو سکتی ہے۔
انہوں نے بتایا کہ پوسٹ مون سون کے دوران ہوا کے کم دباؤ کی وجہ سے سمندری ہوائیں منقطع ہیں۔ فی الحال یہ کم دباؤ بھارتی گجرات میں موجود ہے اور اس کے مزید شدت اختیار کرکے ڈیپریشن میں بدلنے کا امکان ہے۔
ماہرین کے مطابق اسی سسٹم کے اثرات کے تحت کراچی میں سمندری ہوائیں معطل ہیں اور اس کے بحیرہ عرب کی طرف بڑھنے کے امکانات بھی موجود ہیں۔
