کراچی میں آج سے گرمی کی شدت میں مزید اضافے کا امکان ظاہر کیا گیا ہے۔
محکمہ موسمیات کے مطابق ملک کے بیشتر علاقوں میں موسم گرم اور خشک رہے گا، جبکہ جنوبی علاقوں میں شدید گرمی پڑنے کی توقع ہے۔
کراچی میں آج زیادہ سے زیادہ درجہ حرارت 40 ڈگری سینٹی گریڈ تک پہنچ سکتا ہے، تاہم گرمی کی شدت 46 سے 49 ڈگری سینٹی گریڈ تک محسوس کی جا سکتی ہے۔
محکمہ موسمیات کا کہنا ہے کہ اس وقت آسمان صاف ہے اور ہوا میں نمی کا تناسب 67 فیصد ہے، جبکہ مغرب کی سمت سے 12 کلومیٹر فی گھنٹہ کی رفتار سے ہوائیں چل رہی ہیں۔ شام کے وقت سمندری ہواؤں کی بحالی کا امکان ہے۔
پیشگوئی کے مطابق پیر کے روز بھی گرمی کی شدت برقرار رہے گی یا مزید بڑھ سکتی ہے، جبکہ شہر میں بارش کا کوئی امکان نہیں ہے۔
