روس نے اسکول ہاسٹل پر حملے کے جواب میں یوکرین پر بڑے حملے کر دیے۔
غیر ملکی ذرائع ابلاغ کے مطابق روس نے یوکرین کے دارالحکومت کیف اور اوڈیسا پر میزائل اور بغیر پائلٹ طیاروں سے حملے کیے۔
رپورٹس میں بتایا گیا ہے کہ کیف پر تیز رفتار اور شنک نما میزائلوں سے حملے کیے گئے، جبکہ دھماکوں کی آوازیں دارالحکومت سے کئی کلومیٹر دور تک سنی گئیں۔ متعدد شہریوں نے زیرِ زمین ریل کے مراکز میں پناہ لے لی۔
یاد رہے کہ روس نے الزام عائد کیا تھا کہ یوکرین نے لوہانسک کے علاقے میں اسکول ہاسٹل کو نشانہ بنایا، جس کے نتیجے میں اکیس افراد ہلاک اور تریسٹھ زخمی ہوئے۔ روسی صدر ولادیمیر پیوٹن نے واقعے کے بعد فوج کو سخت جواب دینے کے لیے تیار رہنے کا حکم دیا تھا۔
دوسری جانب یوکرین نے روسی الزامات کو سختی سے مسترد کر دیا تھا۔
