جیسے جرمنی میں یہودیوں کو مارا گیا تھا اب ویسے ہی ہندوستانی مسلمانوں کو چن چن کر نشانہ بنایا جائے گا
بی جے پی معاشی بحران سے نمٹنے کیلئے یہ حربے اختیار کرے گی اور اپنی ناکامیوں کا غصہ مسلمانوں پر نکالے گی
نئی دہلی (مانیٹرنگ ڈیسک ) بھارتی سپریم کورٹ کے سابق جج جسٹس مرکنڈے کاٹیجو نے انکشاف کرتے ہوئے مودی سرکار کی اگلی چال بے نقاب کر دی ہے۔ جسٹس ریٹائرڈ مرکنڈے کاٹیجو نے کہا ہے کہ جیسے جرمنی میں یہودیوں کو مارا گیا تھا اب ویسے ہی ہندوستانی مسلمانوں کو چن چن کر نشانہ بنایا جائے گا اور ایسا اس لیے کیا جائے گا کیونکہ بھارت کی معاشی حالت بد سے بدتر ہوتی جارہی ہے بھارتی جنتا پارٹی اپنی ناکامیوں اور خرابیوں سے پیدا ہونے والے معاشی بحران سے نمٹنے کے لیے یہ حربے اختیار کرے گی اور بی جے پی اپنی ناکامیوں کا غصہ مسلمانوں پر نکالے گی۔
