قومی ٹیم کے اوپنر امام الحق نے کہا ہے کہ اسٹیو اسمتھ اور یاسرشاہ میں اچھا مقابلہ ہوگا،دونوں ذہنی طور پر مضبوط ہیں۔
ایڈیلیڈ میں پریس کانفرنس کرتے ہوئے امام الحق نے کہا کہ بطور پروفیشنل کرکٹر ہمیشہ خود کو تیار رکھتا ہوں،لیکن ایڈیلیڈ ٹیسٹ میں شرکت کے حوالے سے یقینی طور پر کچھ نہیں کہہ سکتا۔
انہوں نے کہا کہ مصنوعی روشنیوں میں پنک بال کے ساتھ ایکشن میں نظر آنے والے محمد عباس کینگروز کیلیے مشکلات پیدا کرسکتے ہیں، پیسر فٹ اور موقع ملنے پر بھرپور فائدہ اٹھانے کیلیے تیار ہیں۔
