کراچی: ترجمان سوئی سدرن نے سی این جی اسٹیشنز کو آج رات 10بجے گیس فراہم کرنے کا اعلان کردیا۔ نجی ٹی وی کی رپورٹ کے مطابق سوئی گیس نے سندھ میں سی این جی صارفین کے لیے خوش خبری سنائی ہے۔ ایس ایس جی سی نے گیس سسٹم میں بہتری آنے پر کراچی سمیت سندھ بھر کے سی این جی اسٹیشنز کو آج گیس بحال کرنےکا اعلان کردیا۔
تفصیلات کے مطابق ترجمان سوئی سدرن نے کہا ہے کہ سی این جی اسٹیشنز کو آج شب 10بجے گیس فراہم کی جائے گی جو صبح6بجے تک دستیاب ہوگی۔
