کراچی (صباح نیوز) پاسبان ڈیمو کریٹک پارٹی کے چیئرمین الطاف شکور نے پیٹرولیم مصنوعات کی قیمتوں میں اضافے کو سندھ ہائی کورٹ میں چیلنج کردیا۔ پاسبان کی آئینی درخواست کی سماعت 9 جنوری 2020ء کو سندھ ہائیکورٹ میں ہوگی۔ پی ڈی پی کے وکیل عرفان عزیز ایڈوکیٹ کے توسط سے دائر کردہ درخواست میں موقف اختیار کیا گیا ہے کہ پیٹرولیم مصنوعات میں اضافہ پی ٹی آئی حکومت کا غیر آئینی اقدام اور عوام پر سنگین ظلم ہے، عوام پہلے ہی روزمرہ استعمال کی اشیا کی قیمتوں میں اضافے کی وجہ سے بدترین معاشی مسائل کا شکار ہیں۔
