گرفتار بھارتی ماہی گیروں کو قانونی کارروائی کیلئے ڈاکس پولیس کے حوالے کردیا گیا
کراچی(اسٹاف رپورٹر )تفصیلات کے مطابق پاکستانی سمندری حدود کی نگرانی پر مامور میری ٹائم سکیورٹی ایجنسی نے پاکستانی سمندری حدود میں 10نارٹیکل میل اندر داخل ہوکر مچھلیوں کا شکار کرنے والے 17بھارتی ماہی گیروں کو گرفتار کرکے ان کی 3لانچوں کو قبضے میں لے لیا۔ترجمان میری ٹائم سکیورٹی ایجنسی کے مطابق گرفتار بھارتی ماہی گیروں کو قانونی کارروائی کیلئے ڈاکس پولیس کے حوالے کردیا گیا ، ڈاکس پولیس نے فشریز ایکٹ کے تحت بھارتی ماہی گیروں کے خلاف مقدمہ درج کرلیا۔
