واشنگٹن: امریکی صدر ڈونلڈ ٹرمپ کا کہنا ہے کہ دورہ بھارت کے دوران بھارت کے ساتھ کوئی تجارتی معاہدہ نہیں ہوگا۔
امریکی صدر ڈونلڈ ٹرمپ نے دورہ بھارت سے قبل مودی سرکار کی امیدوں پر پانی پھیر دیا،اپنے شکوہ کا اظہار کرتے ہوئے کہا ہے کہ بھارت نے ہمارے ساتھ اچھا سلوک نہیں کیا ہے۔
یہ بھی پڑھیں: امریکی صدر کے دورہ بھارت کے دوران کشمیر کا معاملہ اٹھایا جائے
صدر ٹرمپ نے کہا کہ دورہ بھارت کے دوران بھارت کے ساتھ کوئی تجارتی معاہدہ نہیں ہوگا۔
امریکی صدر نے مزید کہا کہ بھارت کے ساتھ تجارتی تعلقات سے مطمئن نہیں ہوں۔
واضح رہے کہ امریکی صدر ڈونلڈ ٹرمپ 24 اور 25 فروری کو انڈیا کے 2 روزہ دورے پر ہوں گے۔
