ٹرمپ کا دورہ: بھارت میں مذہبی منافرت پر بات ہوگی‘ وائٹ ہاؤس

واشنگٹن (انٹرنیشنل ڈیسک) وائٹ ہاؤس نے کہا ہے کہ صدر ٹرمپ کے دورے کے دوران بھارت میں مذہبی آزادیوں کے معاملے کو اُٹھایا جائے گا۔ وائٹ ہاؤس کے سینئر اہلکار کا کہنا تھا کہ صدر ٹرمپ عوامی خطاب اور ملاقاتوں میں مذہبی آزادی کے معاملے پر گفتگو کریں گے۔ واشنگٹن کو بھارت کے متنازع قانون پر شدید تشویش ہے اورصدر ٹرمپ نریندر مودی سے اس پر بات کریں گے۔ خبررساں اداروں کے مطابق دورے میں کئی معاہدوں پر دستخط کے امکانات ہیں، لیکن کوئی بڑا تجارتی معاہدہ نہیں ہو گا۔