سندھ حکومت نے پانی پر نیا ٹیکس عاید کرنے کا فیصلہ کرلیا ہے۔
ذرائع کے مطابق سندھ حکومت نے زیر زمین پانی کے استعمال پر نیا ٹیکس عاید کرنے کا فیصلہ کیا ہےجبکہ مجوزہ پانی ٹیکس کے لیے سفارشات پر مبنی مسودہ بھی تیار کرلیا گیا ہے۔
محکمہ بلدیات سندھ پانی ٹیکس کے حوالے سے صوبائی کابینہ کے اجلاس میں بریفنگ دیں گے۔
ذرائع نے مزید بتایا ہے کہ فی لیٹر پانی پر ایک روپیہ ٹیکس عائد کرنے کا فیصلہ کیا گیا ہے۔ منرل واٹر تیار کرنے والی صنعتوں اور کولڈ ڈرنک بنانے والی کمپنیوں پر بھی یہ ٹیکس عائد ہوگا۔
