کراچی (اسٹاف رپورٹر) گلبہار میں گرنے والی عمارت پر ریسکیو آپریشن مکمل کر لیا گیا جبکہ ملبہ ہٹانے میں ابھی مزید وقت درکار ہے۔ حکام کا کہنا ہے کہ ملبے سے تمام ہلاک و زخمیوں کو نکال لیا گیا ہے، ریسکیو آپریشن چار دن جاری رہا اور اتوار کی شب ختم کر دیا گیا۔ اس سے قبل اتوار کی شام متاثرین نے کچھ دیر کے لیے گولیمار کی مرکزی سڑک پر احتجاج بھی کیا تھا جو بعدازاں پولیس سے مذاکرات کے بعد ختم کر دیا گیا۔
