کراچی: پاکستان تحریک انصاف کراچی کے صدر خرم شیرزمان نے صوبائی وزیر صحت سندھ عذرا پیچوہو سے مستعفی ہونے کا مطالبہ کردیا ہے۔
پی ٹی آئی رہنما خرم شیرزمان نے کہا ہے کہ جناح اور سول اسپتال میں پیچ آنے والے واقعات باعث شرم ہیں، سندھ میں ہیلتھ ایمرجنسی نافذ کر کے صوبائی وزیر صحت کو فوری ان کے عہدے سے ہٹایا جائے۔
خرم شیرزمان نے کہا ہے کہ کورونا وائرس کے مریض کی ذمہ داری سندھ حکومت پر عائد ہوتی ہے، سندھ حکومت کو بار بار سمجھا رہے کہ عوام میں کورونا کے نام پر خوف نہ پھیلائے، ہر مریض کو کورونا کا مریض قرار دیا جا رہا ہے۔
خیال رہے کہ 27 اپریل 2020 کو جناح اسپتال میں داخل کورونا وائرس کے مشتبہ مریض نے وارڈ کی تیسری منزل سے کود کر خودکشی کرلی تھی۔
