کراچی: صوبہ سندھ میں آج دوپہر 12 سے 3 بجے تک مکمل لاک ڈاؤن ہوگا جس میں نماز جمعہ کے بڑے اجتماعات پر پابندی ہوگی۔
محکمہ داخلہ سندھ کے مطابق دوپہر 12 سے 3 بجے تک کاروباری سرگرمیاں مکمل طور پر بند رہیں گی، نماز جمعہ کے بڑے اجتماعات نہیں ہوں گے۔
شہری 3 گھنٹے تک گھروں تک محدود رہیں گے جبکہ شہری باجماعت نماز گھروں میں ادا کرنے کے پابند ہوں گے۔
محکمہ داخلہ کے مطابق 3 بجے سے ساڑے 6 بجے تک لاک ڈاؤن میں نرمی ہوگی جبکہ ریسٹورنٹس کو تیار کھانے شام 5 سے رات 10 بجے تک ڈلیوری کی اجازت ہوگی۔
خیال رہے کہ صوبہ سندھ میں آج لاک ڈاؤن کا 47 واں روز ہے۔ صوبے بھر میں پبلک ٹرانسپورٹ، ڈبل سواری اور کاروباری سرگرمیوں پر پابندی برقرار ہے۔
