یورپی یونین کی داخلی سرحدیں دوبارہ کھول دی جائیں‘ جرمنی کی تجویز

برلن (انٹرنیشنل ڈیسک) جرمنی نے یورپی یونین سے داخلی سرحدیں کھولنے کا مطالبہ کیا ہے۔ خبر رساں اداروں کے مطابق برلن حکومت آیندہ ماہ جون کے وسط تک 31 یورپی ممالک کے لیے کورونا وائرس کی روک تھام کے سلسلے میں عائد سفری پابندیوں کو ختم کرنا چاہتی ہے۔ ان ممالک میں یورپی یونین کے 26 رکن ممالک اور 5 شینگن زون کے ملک بھی شامل ہیں۔ تجویز پر آج برلن میں وفاقی کابینہ کی جانب سے حتمی فیصلہ کیا جائے گا۔