نیوزی لینڈ کرکٹ4 ٹیموں کی میزبانی کیلیے پر اْمید

آکلینڈ(جسارت نیوز)نیوزی لینڈ میڈیا کا کہنا ہے کہ نیوزی لینڈ کرکٹ نومبر کے بعد 4 ٹیموں کی میزبانی کرے گا۔میڈیا رپورٹس کے مطابق سیریز کے شیڈول کا اعلان 17 جولائی کو آئی سی سی اجلاس کے بعد کیا جائے گا۔ پاکستان ،ویسٹ انڈیز، بنگلا دیش اور آسٹریلیا نے نیوزی لینڈ کا دورہ کرنا ہے۔چیف ایگزیکٹو نیوزی لینڈ کرکٹ ڈیوڈ وائٹ کا اس حوالے سے کہنا ہے کہ اْمید ہے مکمل انٹرنیشنل سیزن کا انعقاد ہوگا، ہم نے اپنے طور پر تمام ممالک سے بات چیت مکمل کر لی ہے۔